Бишкек шаарынын мэриясы мыйзамсыз курулуштар менен күрөшүүдө

Подробности

Опубликовано 04.03.2015 11:31

Бишкек шаарынын мэриясынын Жеке турак-жай куруу департаментинин кезектеги текшерүүсүндө “Көк-Жар” конушунун Кулмурзаев көчөсү, №292 жана Ибраимов көчөсү, №194 дареги тиешелүү документтерисиз муниципалдык аймактын эсебинен жер тилкесин кеңейтип алгандыгын аныктады.

Аныкталган мыйзам бузууларды чектетүү үчүн Жеке турак-жай куруу департаменти тарабынан мыйзамсыз курулуштарды  “Бузуу  жөнүндө” эскертүүсү берилди. Эскертүүнүн  аткарбагандыгына байланыштуу Департамент тарабынан административдик протокол түзүлүп, райондук соттордун кароосуна жиберилди.

Октябрь жана Свердлов райондук сотунун токтому менен укук бузгандыгы үчүн аталган жер тилкелеринин ээлерин  күнөлүү табып, ар бирине Кыргыз Республикасынын №468 беренеси боюнча 10 миң сом өлчөмдөгү административдик айып салынып,  жер тилкеси баштапкы абалга келтирилди.