Бишкек мэриясы Улуу Ата Мекендик согуштун 70-жылдык жеңишин майрамдоого даярданууда

Подробности

Опубликовано 20.02.2015 16:34

Бишкек шаарынын мэри Кубанычбек Кулматов 2015-жылдын 4-февралында “Кыргыз Республикасында  1941-1945-жылдардагы Улуу Ата Мекендик согуштун жеңишин майрамдоонун урматына  иш-чараларды өткөрүү жана даярдыктар жөнүндө” буйругуна кол койду.

Буйруктун негизинде Улуу Ата Мекендик согуштун 70 жылдык жеңишине карата өтүлө турган иш-чаралардын планы бекитилген.

9-майда “Ала-Тоо” аянтында бардык облустардан келген согуштун ардагерлеринин катышуусунда парад  өткөрүлөт. Ошондой эле, ардагерлерге салттуу аскердик буламык, окуучулардан театралдык парад, кайрымдуулук марафон,  “Жеңиш маршы” чуркоо, “Мен чоң атам менен сыймыктанам” жүрүшү өткөрүлөт.

Калаанын төрт районунда концерттик программалар, спорттук иш-чаралар жана тематикалык спектаклдер уюштурулат.

Ошондой эле,  9-майга карата “Георгиев  лентасы”, “Биз унутпайбыз! Биз сыймыктанабыз!” акциялары өткөрүлөт.