Бишкекте окурмандар арасында “Согуш жөнүндөгү саптар” конкурсу өткөрүлдү

Подробности

Опубликовано 05.12.2014 13:35

Айтматовдун китептери китепканасында калаанын билим берүү уюмдарынын окуучуларынын катышуусунда Ч.Айтматовдун чыгармаларынан  “Согуш жөнүндөгү саптар” шаардык конкурсу өткөрүлдү.

Конкурс Билим берүү башкармалыгы тарабынан уюштурулуп, Улуу жеңиштин 70-жылдык майрамынын алкагында өткөрүлдү.

Иш-чарага тандоо турунун жеңүүчүлөрү, окуучулардын ата-энелери, мугалимдер, Жогорку кеңештин депутаты Кадыров Бахтияр, Ардагерлер кеңешинин төрагасынын орун басары З.Исакова, Маданият, маалымат жана туризм министрлигинин башкы адиси Ж.Суранов, режиссер-Фельд В.Л, Борбордук китепкана тармагынын директору Г.Дандыбаева жана ИИМ Академиясынын инспектору- Ч.Рысалиев катышты.

Калыстар тобу эки номинация боюнча жеңүүчүлөрдү аныкташты. “Жатка айтуу” номинациясы боюнча төмөнкүлөр жеңишке ээ болду:

I-орун Жапарова Алтынай (№27 мектеп-гимназия);

II-орун Өскөнбаева Айдана (№12 мектеп-гимназия);

III-орун Карыпова Айгерим (№85 мектеп-гимназия);

Ал эми “Көркөм окуу” номинациясы боюнча:

I-орун Жүдомүшов Ринат (№18 орто мектеби):

II-орун Дворянинова Юлия (№33 мектеп-гимназия);

III-орун Талантбек кызы Милана (№86 орто мектеби).

Конкурстун жеңүүчүлөрү грамота жана белектер менен сыйланышты. Катышуучулардын ата-энелерине ыраазычылык баракчалар тапшырылды.