Шаар күнүндө вело жүрүш өткөрүлөт

11-октябрда саат 15.00до Бишкек шаарынын мэри Кубанычбек Кулматовдун катышуусунда веложарыш өткөрүлөт. Аталган иш-чараны Бишкек шаарынын мэриясы Ретро FM радиостанциясы менен биргеликте өткөрүүдө.

Веложарыш Ала-Тоо аянтында башталып Жаш Гвардия бульвары, Москва көчөсү, Эркиндик бульварын кесип өтөт.  Баардык каалоочулар жана  вело сүйүүчүлөр  катыша алышат.

Катышуучулардын коопсуздугу үчүн маршуттук көчөлөр МАИ кызматкерлери тарабынан жолдор жабылат.

Иш-чара саат 18.00 до Эски аянтта концерттик майрам менен жыйынтыкталмакчы.

Бишкек шаарынын мэриясы баардык шаар тургундарын жана конокторду веложарышка катышууга чакырат.