Баш калаанын Октябрь районунда 1916-жылкы көтөрүлүштө курман болгондорду эскерүү-митинги өткөрүлдү

Подробности: Опубликовано 01.08.2014 16:46

Бүгүн, 1-августта 1916-жылкы Улуттук-боштондук көтөрүлүшүндө курман болгондорду эскерүү-митинги өткөрүлдү.

Иш-чарага Октябрь райондук администрациясынын, Октябрь райондук ардагерлер кеңешинин, “Кайран эл” коомдук бирикмесинин өкүлдөрү, жарандык активисттер жана шаар тургундары катышты.

1916-жылкы көтөрүлүштө курман болгондордун арбагына багышталып куран түшүрүлдү. Митингдин катышуучулары 1916-жылкы Улуттук-боштондук көтөрүлүшү монументине гүл чамбарларды коюшту.

Кыргыз Республикасынын Жогорку Кеңешинин 18-апрель 2008-жылдагы токтомуна ылайык Кыргызстанда август айынын биринчи жумасы 1916-жылкы Улуттук-боштондук көтөрүлүштө курман болгондорду эскерүү күнү катары белгиленет эске сала кетмекчибиз.