Жеке турак-жай куруу үчүн баш калаадан жер тилкелерин алуучу жарандардын кезегинин тизмеси жаңыртылды

Подробности: Опубликовано 25.02.2014 12:17

Бишкек шаарынын Жеке турак-жай куруу департаменти, “Бишкек шаардык Кеңешинин 09.07.2007-ж. №339-токтому менен бекитилген Бишкек шаарында жеке турак-жай куруу үчүн жер тилкелерин алуу боюнча жарандардын кезегин түзүү тартиби жөнүндө” жобосуна ылайык жер тилкелерин алуучулардын кезегинин тизмеси жаңыртылгандыгын билдирет.

2014-жылга карата жеке турак-жай куруу үчүн жер тилкелерин алуу кезегинде турган жарандардын саны 6055 миң адамды түзөт.

Райондор боюнча	2014-ж.	Тизмеден чыгарылгандар
Ленин району	930	64
Биринчи майрайону	2150	45
Свердлов району	1164	829
Октябрь району	1811	23
Бишкек шаары боюнча	6055	921

Тапшырылган документтердин туура эместигине байланыштуу тизмеден 921 адам чыгарылган. Документтер тиешелүү тартипке келтирилип, кайра тапшырылгандан кийин, комиссия жарандардын арыздарын кайра карап чыгат.

Жер тилкесин алуучулардын жаңыртылган тизмеси Бишкек шаарынын мэриясынын расмий сайтынын “Башкармалыктар жана мекемелер” бөлүмүнө жайгаштырылды.