Кыргыз Республикасынын Улуттук илимдер академиясы Бишкектеги жашыл массивди “Лепидоцид СК-М” дарысы менен дарылоону улантууну сунуш кылууда

Подробности

Опубликовано 04.02.2014 13:30

Бишкекте жашыл массивди зыянкечтерден коргоо боюнча иш-чаралар акыркы 20-25 жыл аралыгында жүргүзүлгөн эмес. Натыйжада, 2008-жылдан баштап өсүмдүктөрдүн фитопатологиялык абалы начарлап кеткен.

2011-жылдан баштап шаардагы дуб, кара жыгачтардын зыянкечтерден жапа чегүүсү күчөгөн. Бишкек шаарынын мэриясы Кыргыз Республикасынын Улуттук илимдер академиясына, Айыл-чарба жана мелиорация министрлигине зыянкечтер менен күрөшүүнүн натыйжалуу жолдорун иштеп чыгуу өтүнүчү менен кайрылган.

2012-жылдын 8-июнунан тартып 11-июнуна чейин Бишкек шаарынын түндүк-батыш бөлүгүндө жайгашкан 75 га эксперименталдык аянттагы бак-дарактарды “Лепидоцид СК-М” дарысы менен дарылоолор жүргүзүлүп, дарынын таасир берүүсү изилденген. Натыйжада, аталган дары зыянкечтер менен күрөшүүдө өзүнүн эффективдүү таасирин көргөзгөн. Ошону менен бирге “Лепидоцид СК-М” дарысы адамдардын ден-соолугуна терс таасирин тийгизбестиги далилденген.