Свердлов райондук администрациясында райондун социалдык-экономикалык өнүгүүсүнүн жыйынтыктары боюнча коллегия өткөрүлдү

Подробности: Опубликовано 31.01.2014 11:29

Свердлов райондук администрациясында райондун социалдык-экономикалык өнүгүүсүнүн жыйынтыктары боюнча коллегия өткөрүлдү.

Күн тартибинде эки маселе каралды:

-         Райондун 2013-жылдагы социалдык-экономикалык өнүгүүсүнүн жыйынтыктары жана 2014-жылга коюлган милдеттери;
-         2013-жылда    райондук администрациянын жарандардын каттары, кайрылуулары жана арыздары менен иш алып баруусунун жыйынтыктары.

Коллегиянын ишине Бишкек шаарынын вице-мэри О.Попиков, Бишкек шаардык кеңешинин депутаттары А.Сариев, Л.Васильев, райондук кызматтардын жетекчилери, Бишкек шаарынын мэриясынын түзүмдүк бөлүмдөрүнүн, шаардык мекеме-уюмдардын жетекчилери жана өкүлдөрү катышты.

Коллегияда Свердлов райондук администрация башчысынын биринчи орун басары В.Красильников доклад жасады жана 2013-жылы райондук администрациянын аракеттери райондун социалдык –экономикалык туруктуу өнүгүүсүнө, экономиканын баардык чөйрөсүн колдоого, шаар тургундарынын жашоо шарттарын жакшыртууга багытталгандыгын белгиледи.

2013-жылы өндүрүштүн айрым тармактарынын өсүшүнө жетишүү камсыздалды:

-         машиналарды жана жабдууларды өндүрүү – 2,8 эсе;
-         электржабдууларын жана оптикалык жабдууларды өндүрүү 132,3%;
-         химиялык өндүрүштө 118,9%;
-         минералдык азыктарды өндүрүү 115,6%;
-         башка тармактар боюнча 105,4%
-         булгары өндүрүү жана булгары буюмдарын өндүрүү 101,6%, ошондой эле 2012-жылга салыштырмалуу чет элдик инвестициялардын келиши 3 эсе жогорулады.

Андан тышкары, “Кыргыз Республикасын 2013-2017-жылдары туруктуу өнүктүрүүнүн Улуттук стратегиясынын” алкагында 2014-жылга коюлган милдеттер аныкталды.