Бишкек шаарынын мэриясынын Санитардык-эклолгиялык инспекциясы кезектеги рейддин жыйынтыктарын маалымдайт

Подробности

Опубликовано 16.12.2013 10:49

Шаардын санитардык абалы боюнча Октябрь районунда өткөрүлгөн кезектеги рейддин жүрүшүндө төмөнкү объекттерде санитардык-экологиялык ченемдердин бузулушуна жол берилгендиги катталды.

“Сааб Курулуш” Жоопкерчилиги чектелген коомунун курулуш компаниясы 12-кичи районундагы А.Токомбаев көчөсүндө жайгашкан карьерге курулуш таштандыларын, кургак тиричилик таштандыларын мыйзамсыз чыгарган фактысы катталды. Текшерүү жүргүзүлгөн учурда үч камаз таштандылар аталган карьерге чыгарылган.

Мындан тышкары, Б.Юнусалиев көчөсү, 17 дарегинде жайгашкан Lounge Bar "Blosson" эс алуу борборунда, Б.Юнусалиев көчөсү, 135 дарегинде жайгашкан "Real" бильярд клубунда кургак тиричилик таштандылары баш аламандыкта жыйналат. “Тазалык” муниципалдык ишканасы менен таштандыларды чыгаруу боюнча 2013-жылга келишим түзүлгөн эмес.

Рейддин жыйынтыгы менен СЭИ кызматы тарабынан КР “Административдик жоопкерчилик жөнүндө” кодексинин 488, 489-беренелерине ылайык, аталган ишканалардын жетекчилеринин атына протоколдор түзүлүп, Октябрь райондук административдик комиссиясынын кароосуна жиберилди.

• 
• 
• 
• 
• 
• 
• 
•