Бул маселе, жогорку медициналык окуу жайлардын бүтүрүүчүлөрүн ишке тартуу жана аларга тиешелүү шарттарды түзүү максатында, шаардын жаңы конуштарынын тургундарын педиатр-врачтардын тейлөөсү  жана Балдардын шаардык медициналык тез жардам клиникалык ооруканасынын реанимация бөлүмдөрүн педиатр-врач адистери менен камсыз кылуу максатында каралды. 

“Педиатр-врачтын депозити” балдар дарыгерлеринин жетишсиздигине байланыштуу киргизилди. Бул маселенин келип чыгышы – эмгек маянасынын аздыгына, турак-жайдын жоктугуна жана башка социалдык камсыздоо маселелеринин чечилбегендигине байланыштуу.

Шаардын жаңы конуштарынын балдар дарыгерлери менен камсыздалышы 33-60% түзөт, ал эми балдардын оорулары жана ымыркайлар өлүмү жогорку көрсөткүчтөрдү түзүп келүүдө. 

Балдардын шаардык медициналык тез жардам клиникалык ооруканасынын реанимация бөлүмдөрүндө 21,75 штаттык орун болсо, учурда  9 гана дарыгер иштешет.

“Педиатр-врачтын депозити” – дарыгердин айлыгын жогорулатуунун ыкмасы жана анын медицина мекемесинде 3 жыл мөөнөткө чейин иштешине келишим түзүүнүн жолу.

Депозит 50 дарыгерлик орунга эсептелип, ай сайын 5000 сом эмгек акы төлөп турууну карайт.