Баш калаада “Жүрөккө жүрөк”аталышындагы акция өткөрүлөт
- Подробности
- Опубликовано 06.09.2013 15:43
Баш калаада Курманжан Датканын эстелигинин алдындагы аянтта 7-сентябрда саат 10-00до “Жүрөккө жүрөк” аталышындагы акция өткөрүлөт.
Иш-чара ден-соолугу боюнча мүмкүнчүлүгү чектелген адамдардын көйгөйлөрүнө коомчулуктун көңүлүн буруу максатында өткөрүлмөкчү.
Иш-чараны Бишкек шаарынын мэриясы жана Кыргыз Республикасынын Социалдык өнүктүрүү министрлиги уюштурууда.
Акция Бишкек шаарынын 135 жылдык мааракесине карата өткөрүлүүчү иш-чаралардын алкагында өткөрүлүп, ага ден-соолугу боюнча мүмкүнчүлүгү чектелген 400 өспүрүм катышат жана аларга белектер тапшырылат.
Учурда шаардык социалдык өнүктүрүү органдарында ден-соолугу боюнча мүмкүнчүлүгү чектелген 12,5 миң адам каттоодо турат.
Бүгүнкү күнү Бишкек шаарында 3 көмөкчү мектеп, 10 адистештирилген мектепке чейинки билим берүү мекемелери, адистештирилген 5 спорт бөлүмү иштейт.
Ошондой эле шаарда социалдык, медициналык жана психологиялык жардам көрсөтүү борбору иш алып барат. Борборго шаардык бюджеттен жыл сайын 6,4 млн. сом бөлүнөт.
Бишкек шаарынын мэриясы ден-соолугу боюнча мүмкүнчүлүгү чектелген адамдар менен иш алып барган 36 коомдук уюмдар, борборлор менен тыгыз иш алып барат.
Алар :
- Азиздердин жана дүлөйлөрдүн борбордук башкармасы;
- Майыптардын райондук коомдору;
- Майыптардын республикалык көз карандысыз ассоциация;
- Майып балдарды кесипке даярдоо “Ювентус” борбору;
- Майып аялдардын республикалык көз карандысыз ассоциациясы;
- Майыптардын “Достук” мээримдүүлүк уюму;
- Майыптардын “Икар” коому;
- Жалгыз бой майып энелердин “Бейтап” көз карандысыз бирикмеси;
- “Оберег”, “Родничок”, “Үмүт – Надежда” калыбына келтирүү борборлору ж.б..
Бишкек шаарынын мэри
КРУБ валюталар курсу
26.04.2024 | ||
USD | 69.74 | |
EUR | 79.24 | |
RUB | 1.05 | |
KZT | 0.18 | |
Баардык курстар |