Шаар башчысы Иса Өмүркулов Горький көчөсүндө жүргүзүлүп жаткан жол куруу иштерин канааттандырарлык эмес деп белгиледи

Подробности: Опубликовано 27.08.2013 13:18

Рейддин жүрүшүндө шаар башчысы, жол куруу иштери мэриянын ишмердигинин негизги багыттарынын бири экендигин белгиледи.

Учурда Горький көчөсүндө жүргүзүлүп жаткан жол куруу иштерин канааттандырарлык эмес деп белгиледи. Курулуш иштерин түрк-кыргыз концорциуму жүргүзүүдө.

“Мен жол курулушу боюнча конкреттүү талаптарды койгом. Алар аткарылбаса келишимди кайра карап чыгабыз”,-деди шаар башчысы.

Рейддин жүрүшүндө Гагарин көчөсү боюнча жол тилкеси ачылгандыгы белгилүү болду.

Гагарин көчөсү боюнча төмөнкү жол тилкелеринде жол куруу иштери аяктады:

Фрунзе көчөсүнөн Муромская көчөсүнө чейин; Белинский көчөсүнөн Некрасов көчөсүнө чейин; Термечиков көчөсүнөн Бах көчөсүнө чейин; Бах көчөсүнөн Некрасов көчөсүнө чейин.

Учурда Муромская көчөсүнөн Термечиков көчөсүнө чейинки тилкеде жол куруу иштери кызуу жүргүзүлүүдө.

Гагарин көчөсүнүн жалпы узундугу 4,6 км түзөт.

Жол куруу иштерин жол алдындагы байланыш каражаттарынын болушу жана жашоочуларды инженердик тармактарга кошуу боюнча иштер кечеңдетип жатат.