Шаарда административдик жана турак-жай имараттарын жарыктандыруу иштери башталат

Бишкекте административдик, турак-жай имараттарын жана соода борборлорун жарыктандыруу иштери жүргүзүлөт.

Бул багыттагы иштерди үстүбүздөгү жылдын август айынын аягына чейин аяктоо белгиленүүдө.

Түнкү мезгилде жарыктандырылуучу имараттар шаардын ар бир районунда аныкталган.

Түнкү жарыктандыруу шаардыктардын коопсуздугун камсыз кылып, оңтойлуу шарттарды түзөт жана шаарды көрктөндүрөт.

Имараттарды жарыктандыруу шаар агломерациясынын негизги бөлүгү болуп саналат.

Шаардын райондук администрациялары жакынкы мезгилде бул багытта иштерди башташат.