Шаар башчысы бул багытта кемчиликтердин жана милдеттерине кыянатчылык менен мамиле кылуу фактыларынын орун алышын, аталган маселе мэриянын кароосунда тургандыгын жана аягына чыга электигин белгиледи.

И.Өмүркулов, маселе боюнча вице-мэр А.Усубакуновага, райондук билим берүү борборунун, Билим берүү башкармалыгынын жана район акимдерине  сөгүш жарыялангандыгын кошумчалады.

 

Бишкек шаарынын генералдык планын ачыкка чыгаруу боюнча: “Биз аткаруу органыбыз, тиешелүү мызамдардын чегинде гана иштейбиз. Генералдык пландын жашыруун болушуна кызыкдар эмеспиз. Жашыра турган эч нерсе жок. Мэрия генпланды ачыкка чыгаруу боюнча тиешелүү органдарга кайрылган”,- деди И.Өмүркулов.

 

Мындан тышкары, парк аймактарынан жер тилкелеринин бөлүнүшү боюнча талкуу жүрдү. 2010-жылдан бери парк аймактарынан жер тилкелери берилген эмес.