Куттуктоо сөзүндө, шаар башчысы балдарга чың ден-соолук, ачык маанай, көңүлдүү эс алууну каалады. “Бишкек мэриясы тарабынан жайкы эс алуу мезгилинде маданий-массалык, спорттук иш-чаралар уюштурулууда. Шаардан театр, музей, бассейндери силерди күтүп алышат. Ата-энелер, чоң ата-чоң энелериңер менен бирге келип эс алсаңар болот. 1-сентябрда жаңы күч менен мектепке келесиңер”,- деди И.Өмүркулов.

 

Ошону менен бирге, шаар башчысы ата-энелерге, өз эмгегин балдарды тарбиялоого арнаган педагогдорго ыраазычылык билдирди.

 

Аталган иш-чарага шаардын атайын билим берүү мекемелеринен, ден-соолугу боюнча мүмкүнчүлүгү чектелген, социалдык колдоого муктаж, афган согушунун катышуучуларынын үй-бүлөлүрүнөн 650 бала катышты.

 

Майрамдык иш-чаранын жүрүшүндө балдарга окуу куралдары, бал муздак жана таттуу белектер тапшырылды. Майрамдык иш-чараны өткөрүүгө шаардык бюджеттен 250 миң сом каралган.

 

Ушундай эле иш-чаралар шаардын райондук администрациялары тарабынан да өткөрүлөт. Иш-чараларда балдарга материалдык жардамдар көрсөтүлүп, белектер тапшырылат.