Бишкек шаарынын мэриясынын СЭИ кызматы Ленин району боюнча кезектеги рейдди уюштурду. Рейддин жүрүшүндө Түштүк магистралы боюнча Америка Кошмо Штаттарынын Элчилигинин батыш тарабына “Дост-Строй” ЖЧК тиешелүү 63 93 ВВ мамлекеттик номурлуу ГАЗ 53 үлгүсүндөгү автоунаа канализация тармагына керектен чыккан суюк заттарды төгүп тургандыгы аныкталды. Бул – шаарды көрктөндүрүү эрежелерин одоно бузгандыкка жатат.

Рейддин жыйынтыгында, СЭИ тарабынан “Дост-Строй” ЖЧК директору Н.Кичинебатыровдун атына Кыргыз Республикасынын “Административдик жоопкерчилик жөнүндө” кодексинин 489 – беренеси боюнча протокол толтурулуп, чара колдонуу үчүн Ленин райондук административдик комиссиясына жиберилди.