Салтанаттуу иш-чаралар Кыргыз Республикасынын Өкмөтүнүн, Жогорку Кеңешинин жана мамлекеттик органдардын өкүлдөрүнүн катышуусунда өтөт. Райондук билим берүү борборлору тарабынан мектептерде жооптуу кызматкерлер дайындалат.

 

2013-жылдын 25-майында жалпы билим берүү мекемелеринин директорлору жана райондук кызматтардын өкүлдөрү, укук коргоо органдарынын кызматтары менен биргеликте тартипти сактоо боюнча бүтүрүүчүлөр, ата-энелер менен иш-чаралар алынып барылат. Салтанаттуу иш-чаралар өткөрүлгөн күнү ата-энелер коомчулугу бүтүрүүчүлөрдүн коопсуздугу үчүн жоопкерчиликте экендиги мектеп администрациялары тарабынан эскертилди.

 

            Кыргыз Республикасынын Билим берүү жана илим министрлигинин 18.04.2013-жылдагы №201/1 жана Бишкек шаарынын Билим берүү башкармалыгынын 19.04.2013-жылдагы №167/4-буйругу менен жалпы билим берүү мекемелеринин директорлоруна бүтүрүүчүлөрдүн жана алардын ата-энелеринин катышуусунда кафе, ресторандарда, жаратылышка чыгып шаан-шөкөттөрдү жана башка иш-чараларды уюштурууга тыйюу салынаары эскертилди.

 

3-июндан 22-июнга чейин 11-класстын бүтүрүүчүлөрү үчүн 5 предметтен мамлекеттик (жыйынтыктоочу) аттестация өткөрүлөт, анын ичинен 4 предмет милдеттүү жана 1 предмет тандоо боюнча. 3-18-июда 9-класстын бүтүрүүчүлөрү үчүн 4 предметтен мамлекеттик (жыйынтыктоочу) аттестация өткөрүлөт.

 

 

            2013-жылдын 24-июнунда саат 14-00до өзгөчө үлгүдөгү аттестаттар жана медаль ээлеринин салтанаттуу иш-чарасы Бишкек шаарынын мэри И,Ш. Өмүркуловдун катышуусу менен өткөрүлөт.