Баш калаада бак-дарактарды зыянкечтерден дарылоо иштери башталды.
Бишкек шаарындагы бак-дарактарды, жашыл массивди зыянкечтерден дарылоо иштери 10-майда саат 22-00до башталды.
Аталган иштер “Жашылдандыруу курулуш” муниципалдык ишканасы жана Өсүмдүктөрдү химиялаштыруу жана коргоо департаменти тарабынан жүргүзүлүүдө. Дарылоону адистештирилген техникалык каражаттардын 11 бирдиги жүргүзүүдө.
Иш-чаралар Кыргыз Республикасынын Улуттук Илимдер академиясынын окмуштууларынын көзөмөлүндө аткарылууда.
Өткөн түнү (11-майда саат 6-00го чейин) шаар аймагында 164,4 га жердеги жашыл массив дарылоодон өткөрүлдү, анын ичинен:
Ленин району боюнча: Киев – Жаш Гвардия – Жибек Жолу – Манас көчөлөрүндөгү;
Октябрь району боюнча: Ахунбаев – Токтоналиев – Түштүк магистралы жана Жеңиш паркынын айланасындагы;
Биринчи Май району боюнча: Эркиндик бульвары – Жибек Жолу – Москва жана Москва – Логвиненко – Чүй прорспекти – Манас проспектиндеги;
Свердлов району боюнча: Абдрахманов – Жибек Жолу – Ибраимов – темир жол айланасындагы жашыл массив дарылоодон өткөрүлдү.
11-майдан 12-майга караган түнү төмөнкү жерлерде иштер улантылат:
Ленин районунда – Киев – Манас – Жаш Гвардия – Москва – Ала-Арча суусунун жээги – Бакаев – Гагарин көчөлөрүндөгү;
Октябрь районунда – Ата-Түрк паркындагы;
Биринчи Май районунда – Москва – Манас – темир жол жээги – Абдрахманов көчөлөрүндөгү;
Свердлов районунда – Чүй проспекти – Ибраимов – Аламүдүн суусунун жээги – темир жол жээги – Жибек-Жолу – Ибраимов – Сүйүмбаев көчөлөрүндөгү бак-дарактар дарылоодон өткөрүлөт.
Дарылоо иштерин үстүбүздөгү айдын аягында аяктоо белгиленүүдө.
Бишкек шаарынын мэриясы келтирилген оңтойсуздуктар үчүн шаар тургундарынан кечирим сурайт.
Бишкек шаарынын мэри
КРУБ валюталар курсу
06.05.2024 | ||
USD | 69.74 | |
EUR | 79.24 | |
RUB | 1.05 | |
KZT | 0.18 | |
Баардык курстар |