Калаада административдик жоопкерчиликти бузгандарды коомдук иштерге тартуу улантылууда

Подробности

Опубликовано 19.03.2018 14:19

Свердлов райондук администрациясы Свердлов райондуксоту жана Свердлов райондук ИИБы мененбиргеликте административдик жоопкерчиликти бузгандарды коомдук иштерге тартуу иштерин улантууда.

2018-жылдын январь айынан тартып Свердлов райондук сотунун токтому менен 29 жарандын мыйзам бузгандыгы аныкталып, анын ичинен 25 жаран коомдук иштерге тартылган жана 4 жарандын иши каралууда.

Ошондой эле, милиция кызматкерлери тарабынан мажбурлап алып келүү иштери да жүргүзүлүп жатат. Бүгүнкү күндѳ мыйзам бузуучулар, милиция кызматкерлеринин коштоосу менен  белгиленген аймакта таштандыларды тазалоо жана шыпыруу сыяктуу иштерди аткарууда.

Убактылуу жумушчулар бардык керектүү шаймандар (инвентарь) менен жеринен камсыздалат.

Коомдук иштерге, мыйзам бузуучулар Кыргыз Республикасынын Административдик Кодексинин жалпы 23 тартип бузуу беренелери менен тартылышат.

Алар: майда бейбаштык кылуу, белгиленбеген жерге таштандыларды ыргытуу жана ѳрттѳѳ, бак-дарактарды уруксатсыз кыюу жана зыян келтирүү, жашы жете элек ѳспүрүмдѳрдү окутуу жана тарбиялоодо өз милдеттерин так аткарбагандыгы үчүн жана автоунааларды мас абалында айдоо сыяктуу учурларда коомдук иштерге тартылышат.