Шаардык муниципалитетте жер үстүндөгү өтмөктөрдү куруу долбоору иштелип жатат

Подробности

Опубликовано 04.04.2017 08:54

Бишкек шаарынын мэриясынын Капиталдык курулуш башкармалыгы соода борборлоруна жакын, шаардын кыймылдуу көчө кесилиштеринде лифт жабдууларын орнотуу менен жер үстүндөгү  өтмөктөрүн куруу долбоорун иштеп жатат.

Долбоорлор кыймыл көп көчөлөр боюнча иштелүүдө:

- Шабдан Баатыр – Мамбетов көчөлөрү («Мадина» СБ);

- Жибек Жолу жана М. Жалил көчөлөрүнүн ортосундагы Курманжан Датка («Аламедин» СБ);

- Чүй проспектиси менен Шопоков кесилиши («БУМ» СБ);

- Чүй проспектиси менен Бейшеналиев көчөсүнүн кесилиши («Ош базары» СБ);

2017-жылга карата иш пландарына ылайык,  Шабдан Баатыр – Мамбетов көчөлөрүнүн («Мадина» СБ) кесилишинде, Жибек Жолу жана М. Жалил көчөлөрүнүн ортосундагы Курманжан Датка («Аламедин» СБ) көчөсүндө эки өтмөктү куруу пландалууда.

Сынактык арыздарды ачуу үстүбүздөгү жылдын 17-апрелинде өткөрүлөт.  Өтмөктөрдү куруу иштерин 2017-жылдын 31-августуна аяктоо пландалып жатат.