Бишкек шаарынын мэриясы шаар тургундарын таза суу камдап алууларын суранат

Подробности

Опубликовано 29.03.2017 11:45

«Бишкексууканал» башкармалыгынын билдирүүсү боюнча, 30-мартта саат 9:00дон 17:00го чейин калаанын айрым жерлеринде таза суу берилбейт.

«Башкара-Суу» суу алгычын оӊдоп- түзөө иштерине байланыштуу «Орок», «Арча-Бешик», «Ак-Ордо» (№41 квартал), «Ак-Өргө» (№40 квартал) жаӊы конуштарында жана Орок айылынын Сарбан, Жал, Жогорку Орок, Төмөнкү  Орок, Селекционное, Жаӊы Селекционное, Кашка-Баш, Калтар айылдарында таза суу токтотулат.

«Бишкексууканал» башкармалыгы ыӊгайсыздык келтиргендиги үчүн шаар тургундарынан кечирим сурайт жана алдын ала суу камдап алууларын суранат.