Кыргыз Республикасынын Президенти Алмазбек Атамбаев март революциясына арналган гүл бакчага барды

Подробности

Опубликовано 24.03.2017 13:46

Кыргыз Республикасынын Президенти Алмазбек Атамбаев, Бишкек шаарынын мэри Албек Ибраимов  жана элдик революциясынын катышуучулары 2005-жылдын 24-мартындагы Элдик революцияны эскерүүгө арналган гүл бакчага бак-дарактардын көчөттөрүн отургузушту.

Гүл бакча Шабдан Баатыр жана Ахунбаев көчөлөрүнүн кесилишинде жайгашкан жана Кыргыз Республикасынын Президенти Алмазбек Атамбаевдин демилгеси менен курулган. Аталган максатка президенттик фонддон 7 млн. сом, шаардык мэрия тарабынан кошумча 1,3 млн. сом. бөлүнгөн.

Калаа башчысы Албек Ибраимов гүл бакчаны куруу  жана көрктөндүрүү боюнча жүргүзүлгөн иштер тууралуу маалымат берди. Даярдоо иштери 2016-жылдын 10-июнунда башталып, 2016-жылдын август айында толугу менен бүткөрүлүп, Кыргыз Республикасынын Эгемендүүлүгүнүн 25 жылдыгына карата ачылган.

Иш-чаранын соӊунда КРнын Президенти Алмазбек Атамбаев, Бишкек шаарынын мэри Албек Ибраимов жана иш-чаранын катышуучулары көчөттөрдү отургузушту.