Бишкек шаарынын мэриясы калааны мыйзамсыз курулуштардан арылтууда

Подробности

Опубликовано 17.03.2017 16:34

Бишкек шаарынын мэриясынын Жер пайдалануу жана курулуш башкармалыгынын кызматкерлери “Тазалык” муниципалдык ишканасы менен биргеликте жүзгө жакын мыйзамсыз орнотулган объектилерди алышты.

Алуу иштери Кулатов жана Матросова көчөлөрүндө жүргүзүлүп, калаанын тышкы көрүнүшүн жакшыртуу максатында 91 объект алынды. Анын ичинен: 27 жарнама тактасы, 57 бастырма, 5 темир тосмо, 2 күркө алынды.

2017-жылдын январь айынын башында мэриянын №1 токтому менен Бишкек шаарынын аймагындагы мыйзамсыз курулуштарды жоюу жана алдын алуу боюнча ыкчам штаб түзүлгөн. Ыкчам штабдын иш-чаралар планынын алкагында Токтогул көчөсүнүн Манас проспектиси менен кесилишиндеги мыйзамсыз курулуган беш кабаттуу имарат буздурулган.  Штабдын курамы мэриянын түзүмдүк бөлүмдөрү, КР Жогорку сотунун алдындагы соттук департаменти, КР Өкмөтүнө караштуу мамлекеттик  экологиялык-техникалык инспекциясынын Бишкек шаары боюнча башкармалыгы менен тыгыз иш алып барат.
Жакын арада мыйзамсыз курулган бир нече объект буздурулат.

Ыкчам штабдын төрагасы Бишкек шаарынын вице-мэри Бакытбек Дюшембиев. Телефон: 61-08-20.

Бишкек шаарынын мэриясынын жер пайдалануу жана курулуш башкармалыгынын директору  Талант Иманакун уулу. Телефон 0557 55 70 58, 89 19 26.

КР Өкмөтүнө караштуу экологиялык жана техникалык коопсуздук боюнча мамлекеттик инспекциясына караштуу Бишкек шаарынын мамлекеттик регионалдык башкармалыгынын башчысы Мелис Абдиев. Телефон: 56-49-80; 90-12-60.

КР Жогорку сотуна караштуу сот департаментинин сот аткаруучулар түзүмдүк бөлүмүнүн ишмердүүлүгүн көзөмөлдөө боюнча бөлүмүнүн башчысы Нурлан Пирназаров. Телефон: 58- 09 -95.

Бишкек шаарынын башкы прокурору Кубанычбек Бейшекеев . Телефон: 32-34-10.