Бишкекте азык-түлүктөрдүн жарманкеси өткөрүлдү

Бишкекте өткөн эс алуу күндөрү 26-27-ноябрда салтка айланган айыл-чарба азыктарынын жарманкеси өткөрүлдү.

Жарманкеде шаардыктар кышкыга азык-түлүк сатып алууларына, ал эми дыйкан чарба ээлери өз продукциясын сатып өткөрүүгө мүмкүнчүлүк алышты.

Чүй облусунун бардык райондорунан ондогон өндүрүүчүлөр ортомчуларсыз жер-жемиш, мөмө жемиштин түрлөрүн, бал, сүт жан эт азыктарын жарманкеде сатышты.

Азык-түлүктөрдүн жарманкеси төмөнкү даректерде өткөрүлдү:

Ленин районунда «Жал» кичи районундагы Тыналиев көчөсүндө;

Октябрь районунда Токомбаев көчөсүндөгү «Асанбай» базарында;

Свердлов районунда Ауэзов- Салиева көчөлөр кесилишинде;

Биринчи май районунда Фрунзе көчөсү (түндүк тарабы) Ибраимов көчөсүнөн Шопоков көчөсүнө чейин.