Бишкек шаарынын мэри Албек Ибраимов шаар тургундарын кабыл алды

Бишкек шаарынын мэриясынын жыйындар залында калаа башчысы Албек Ибраимовдун шаар тургундарын кабыл алуусу өткөрүлдү.

Кабыл алууда социалдык турак-жай, соода түйүндөрүнүн жанына унаа токтотуу жайын уюштуруу маселелери көтөрүлдү.

Мэр «Бишкекбашкыархитектурага» шаарда, өзгөчө базарлардын жанында унаа токтотуу жайларын уюштурууну тездетүү тапшырмасын берди.