Свердлов районунда көп балалуу энелер сыйланышты

Подробности

Опубликовано 29.09.2016 09:55

2016-жылдын 28-сентябрында Свердлов муниципалдык администрациясынын башчысы Самарбек  Болотбековдун катышуусунда райондун аймагында жашаган көп балалуу энелерге "Баатыр эне" орденин жана "Эне данкы" медалын тапшыруу иш-чарасы болуп өттү.

Аталган иш-чарада жети же андан көп бала тарбиялап, өстүргөн 7 эне "Баатыр эне" орденине жана 6 бала тарбиялап өстүргөн 5 эне "Эне данкы" медалынын күбөлүктөрүнө ээ болушту. Ошондой эле район башчысы энелердин коомдогу жана өсүп келе жаткан муундарга тарбия берүүдөгү маанилүү ордун баса белгилеп, бекем ден-соолук, чыдамкайлык жана сабырдуулук каалап, энелерди жогорку мамлекеттик сыйлыктары менен куттуктады.