Бишкекте «Кыргызстан – менин мекеним» балдардын элдер достугу фестивалы өткөрүлдү

Подробности

Опубликовано 28.09.2016 11:48

Т.Сатылганов атындагы Кыргыз улуттук филармониясынын алдында бүгүн 28- сентябрда Бишкек шаарынын мэриясынын  билим берүү башкармалыгы тарабынан уюштурулган "Кыргызстан – менин мекеним!" аттуу элдер достугунун балдар фестивалы өткөрүлдү.

Балдар фестивалы элдер достугу парады, 2 миң мектеп окуучусу жана борбор шаардын балдар чыгармачылыгы борборлорунун тарбиялануучуларынын катышуусундагы концерттик көңүл ачуучу майрамдык программасы менен башталды. Фестивалга балдар ар кандай чебер-класстар менен катыша алышты.

Фестивал Тарых жана маданият жылынын алкагында өткөрүлдү.

Фестивалдын  максаты – Кыргызстандагы ар кайсы элдердин достугу тууралуу окуучулардын элестетүүлөрүн кеңейтүү, балдар арасында достук өз ара мамилелерди чыңдоо, ар кандай улуттагы адамдарга сый-урмат көрсөтүүнү тарбиялоо болуп саналат.