Жылуулук түйүндөрүн оңдоого байланыштуу айрым көчөлөр жабылат

Подробности

Опубликовано 20.09.2016 16:55

Бишкек шаарынын мэриясынын Капиталдык курулуш башкармалыгынын билдирүүсү боюнча, жылуулук түйүндөрүн оңдоо иштерине байланыштуу  Гоголь көчөсү Чүй проспектисинен Москва көчөсүнө чейин жана Бөкөнбаев көчөсү Тыныстанов көчөсүнөн Раззаков көчөсүнө чейинки бөлүгү жабылды.

Жылуулук түйүндөрүн оңдоо иштери сентябрь айынын ортосунда башталып, Гоголь көчөсүндө 2016- жылдын 8-декабрында жана Бөкөнбаев көчөсүндө 17-октябрда жыйынтыкталат.

Бишкек шаарынын мэриясы ыңгайсыздык жараткандыгы үчүн кечирим сурайт жана айдоочуларды алдын ала жол тандап алуусун суранат.