Бишкек шаарынын мэри Албек Ибраимов аллея куруу боюнча шаар тургундарынын демилгесин колдоду

Подробности

Опубликовано 15.09.2016 17:55

Бакаев-Айни көчөлөрүнүн кесилишиндеги гүлбакчага Москва шаарындагы басмаканадан чыккан өрттөн көз жумган Кыргыз Республикасынын жарандарынын элесине бактар отургузулду. Шаардык муниципалитет башчысы Албек Ибраимов шаар тургундарынын демилгесин колдоп, шаардык кызматтарга аймакты бөлүү, бак-дарактарды отургузуу тапшырмасын берди.

Мурда Facebook социалдык тармагы аркылуу демилгечи топ тарабынан өрттөн көз жумган мекендештерибиздин жаркын элесине арналган аллея түзүү демилгеси көтөрүлгөн. Аталган демилге боюнча калаа башчысы Албек Ибраимовго жиберилген катка 567 шаар тургуну кол койгон.