Бишкектик тез жардам тобу Кырчын жайлоосунда этно-фестивалдын 530 коногуна медициналык жардам көрсөттү

Подробности

Опубликовано 07.09.2016 15:45

Кырчын жайлоосуна 2-сентябрдан 8-сентябрга чейин өткөрүлүп жаткан этно-фестивалда квалификациялуу медициналык жардам менен камсыз кылуу үчүн Бишкек шаарынан он жети дарыгер келип, 530 конокко тез жардам кызматын көрсөтүштү. Кырчын жайлоосунун аймагында медициналык жардам көрсөтүү үчүн күнү-түнү 6 кезмет иштеп жатат.

Тез жардам тобу Бишкек шаарынын тез жардам станциясынын, Улуттук госпиталдын, Улуттук кардиология борборунун, Бишкек шаардык травматология жана ортопедия илим-изилдөө борборунун дарыгерлеринен жана шаардык спорттук медицина адистеринен түзүлдү.

Бир нече адам Чолпон-Атанын аймактык ооруканаларына жана Ананьево айылындагы жалпы дарыгерлик борборуна жаткырылды. 4 адам жаракалар менен: үч адам бутун, бир адам колун сындырып алган.  3 адам аппендицит жана эки адам инсульт  менен ооруканага жаткырылды. Мындан тышкары, температура, суук тийүү жана  тиш оорулар менен кайрылышты.

Бүгүн, 7-сентябрда дарыгерлер Монголиядан келген спортчуга биринчи жардам көрсөтүштү. Учурда спортчу Ананьево айылындагы жалпы дарыгерлик борборуна жаткырылды.

 Дарыгерлер тобу күнү-түнү медиципалык кызмат көрсөтүүдө.