СЭИ санитардык нормаларды бузгандарды аныктады

Бишкек шаарынын мэриясынын Санитардык-экологиялык инспекциясынын кезектеги текшерүүсүндө Чүй проспектиси 4 дарегинде жайгашкан «ККСК» ААК айланасы антисанитардык абалга жеткендиги, курулуш таштандылары чогултулгандыгы, Бишкек шаарынын көрктөндүрүү эрежелери жана санитардык нормалар бузулгандыгы аныкталды.

Жыйынтыгында СЭИ иниспекторлору тарабынан директор Асанканов У. атына Кыргыз Республикасынын «Административдик жоопкерчилик жөнүндө» кодексинин №489 беренеси боюнча протокол түзүлүп, административдик комиссиянын кароосуна жиберилди.