Бишкек шаарынын мэриясы шаар тургундарынан коррупциялык көрүнүштөр тууралуу маалыматтарды билдирүүсүн суранат

Подробности

Опубликовано 09.08.2016 12:39

Бишкек шаарынын мэриясы шаар тургундарынан жана конокторунан өз ишин так аткарбаган, кызматтук абалны  пайдаланган, коррупциялык көрүнүштөргө жол берген муниципалитет кызматкерлери тууралуу 61-08-27 номерине кайрылуусун суранат.

2015-жылдын июль айында Бишкек шаарынын мэриясынын борбордук аппаратында Укук коргоо органдары менен өз ара аракеттенүү жана коррупцияга каршы чара көрүү бөлүмү ачылып, коррупциялык көрүнүштөрдү жана коркунучтарды өз алдынча таап чыгып, материалды укук коргоо органдарына тапшырып келет.

Ошол эле учурда коррупция маселеси боюнча УКМК, ИИМ, прокуратура менен бирдиктүү аракет көрүлүп келет.

Аталган бөлүм ачылгандан бери бир топ системалык тартип бузуулар ачыкка чыгып, тапшырылган материалдар боюнча кылмыш иштери козголгон.