Жеке турак-жай курулуш департаменти «Дордой» конушундагы мыйзамсыз тургузулган пайдубалды түрттүрүүнү милдеттендирди

Подробности

Опубликовано 20.06.2016 09:41

Бишкек шаарынын мэриясынын Жеке турак-жай курулуш департаменти «Дордой» конушундагы тиешелүү уруксат документтерисиз муниципалдык жерге тургузулган пайдубалды түрттүрүүнү милдеттендирди.

Департамент тарабынан «Аныкталган бузууларды четтетүү жөнүндө» эскертүү берилген. Эскертүүнүн аткарылбагандыгына байланыштуу Департамент Свердлов РИИБ өз ыктыяры менен куруп алган жарандын  өздүгүн тактоо жана чара көрүү, жазык жоопкерчилигине тартуу үчүн кайрылган.

Учурда Кененбай уулу Турусбек тарабынан курулган 12,5х4,8 м пайдубал өз ыктыяры менен буздурулду.