Бишкекте «Талантым сага, Кыргызстан» конкурсунун гала-концерти өткөрүлдү

Подробности

Опубликовано 19.04.2016 17:29

Т.Сатылганов атындагы Кыргыз Улуттук филармониясында Тарых жана маданият жылына арналган  окуучулардын «Талантым сага, Кыргызстан» гала-концерти өткөрүлдү.
Концерт Бишкек шаарынын мэриясынын Билим берүү башкармалыгы тарабынан уюштурулду.

Иш-чаранын максаты – окуучуларды руханий-адеп ахлакка тарбиялоо, эстетикалык жана чыгармачылык потеницалын өнүктүрүү болуп саналат.

Бир айдын ичинде райондук жана шаардык тандоо турлары өткөрүлүп, 86 мектеп жана райондук чыгармачылык борборлордон 3 миңден ашык окуучу катышты.

2016-жылдын 13-апрелинде №13 мектеп-гимназиясында жыйынтыктоочу шаардык туру өткөрүлдү. Ага бий топторунун, «Манас» эпосунун жаш аткаруучуларынын, комузчулар жана хор жамааттарынын жеңүүчүлөрү катышты.

Гала-концертти көрүү үчүн КР Илим жана билим министрлигинен, Бишкек шаардык кеңешинен ардактуу коноктор, Бишкек шаарынын вице-мэри Айгүл Рыскулова, мектептин директорлору, окуучулары жана ата-энелери катышты.