Бишкекте «Балдардын жүрөгүн жылытабыз» кайрымдуулук концерти өткөрүлдү

Бишкек шаарынын мэриясынын Социалдык өнүктүрүү башкармалыгынын билдирүүсү боюнча, консерваториянын чоӊ залында «Балдардын жүрөгүн жылытабыз» кайрымдуулук концерти өткөрүлдү.

«Слово Кыргызстан» жана Социалдык өнүктүрүү башкармалыгы аталган концертти демилгеледи.

Бишкек шаарынын мэриясынын шаардык бюджетинин эсебинен таттуу белектер сатылып алынып, таратылды. Ошондой эле кыргыз эстрада жылдыздарынын катышуусунда концерт уюштурулуп, балдар үчүн конкурстар жана оюндар даярдалды.

Аталган иш-чарага Балдарды социалдык адапташтыруу борборунун, «Учкун» балдар үйүнүн жана Кароосуз калган балдарды калыбына келтирүү шаардык борборунун тарбиялануучулары катышты.