Калаада шаар күнүнө арналган веложарыш өткөрүлөт

17-октябрда саат 15:00до Бишкек шаарынын күнүнүн урматына веложарыш өткөрүлөт.

Иш-чараны Бишкек шаарынын мэриясынын колдоосунда «Ретро FM» райдиостанциясы уюштурууда.

Веложарыш Ала-Тоо аянтынан башталат.

Аталган иш-чарага велоспортту сүйүүчүлөр жана бардык каалоочулар катыша алат.

Катышуучулардын коопсуздугу үчүн МАИ кызматкерлери тарабынан маршуттук кыймыл чектетилет.

Бишкек шаарынын мэриясы бардык шаар тургундарын жана калаа конокторун веложарышка катышууга чакырат.