Бишкек шаарынын мэриясы жер тилкесин өз билемдик менен басып алган эки окуяны аныктады

Подробности

Опубликовано 08.09.2015 17:59

Бишкек шаарынын мэриясынын Жеке турак-жай курулуш департаментинин кызматкерлери уруксат документтерисиз эки жер тилкесин өз ыктыяры менен кеӊейтип алуу фактысын аныктады.

Курчатов көчөсү №73 жана Тынчтык көчөсү №38 дарегинин жашоочулары муниципалдык жердин эсебине дубал тургузуп алышкан.

Үйлөрдүн ээлери Асанканова А.А. жана Сатаев К.Ч.нын атына «Курулушту токтотуу жөнүндө» эскертүүсү берилди.

Жеке турак-жай курулуш департаментинин эскертүүсүн аткарууда аталган даректин жашоочулары өз ыктыяры менен 2х7м жана  20х2м өлчөмүндөгү дубалды түрттүрүп, жер тилкесин баштапкы абалга келтирди.