Бишкек шаарынын мэриясы жеке ишкерге айып салды

Подробности

Опубликовано 28.08.2015 19:02

Биринчи май району боюнча Санитардык-экологиялык инспекциясынын инспекторлорунун кезектеги текшерүүсүндө «Электрофарфор» кеӊсесинин аймагында көрктөндүрүү эрежелери бузулгандыгы аныкталды.

СЭИ кызматкерлеринин билдирүүсү боюнча, Токтогул көчөсү, №170 дарегинде жайгашкан «Электрофарфор» кеӊсесинин түштүк-батыш тарабы антисанитардык абалга жеткен.

Бишкек шаарынын мэриясынын СЭИ инспекторлору тарабынан жеке ишкер  Шипилов В.И.нин атына Кыргыз Республикасынын «Административдик жоопкерчилик жөнүндө» кодексинин №488 беренеси боюнча протокол түзүлүп, райондук административдик комиссиянын кароосуна жиберилди.

Биринчи май райондук административдик комиссиясынын кезектеги жыйынында 5000 сом өлчөмүндө айып салынды жана жогоруда аталган аймак иретке келтирилди.