Калаа дүкөндөрү санитардык нормаларды бузууда

Подробности

Опубликовано 21.07.2015 09:24

Бишкек шаарынын мэриясынын Санитардык-экологиялык инспекциясы Бөкөнбаев көчөсү, №59 дарегинде жайгашкан «Фристайл» дүкөнүнүн куруучулары тарабынан курулуш таштандылары белгиленбеген жерге башаламан ташталгандыгы аныктады.

Аталган жер таштанды таштоочу жайга айланып, санитардык нормалар сакталбай, шаарды көрктөндүрүү эрежелери бузулган.

Жыйынтыгында Бишкек шаарынын мэриясынын СЭИ кызматкерлери тарабынан ижарачысы Хан А.П.нын атына Кыргыз Республикасынын «Административдик жоопкерчилик жөнүндө» кодексинин №489 беренеси боюнча протокол түзүлүп, Свердлов райондук административдик комиссиясынын кароосуна жиберилди.