“Бишкекжылуулукэнерго” МИ кызматкерлери мамлекеттик тил боюнча тастыктамаларды алышты

“Бишкекжылуулукэнерго” муниципалдык ишканасынын кызматкерлери мамлекеттик тил боюнча тастыктамаларды алышты.

Бишкек шаарынын мэриясына караштуу Мамлекеттик тилди өнүктүрүү бөлүмүнүн  жетекчиси Эльвира Ниязбекованын айтуусу боюнча, “Бишкекжылуулукэнерго” муниципалык ишканасынын администрациясы Бишкек шаарынын мэриясына караштуу Мамлекеттик тилди өнүктүрүү бөлүмү менен жыл сайын мамлекеттик тилди үйрөнүү боюнча мекеменин кызматкерлерине шарттарды түзүп берип келет.

Бул жылы мекеменин кызматкерлери жыл башынан бери мамлекеттик тилди үйрөнүү курсунан өтүп, мамлекеттик тилде иш кагаздарын жүргүзүүнү үйрөнүштү.

Үстүбүздөгү жылдын июнь айынын аягында экзамендин жыйынтыгы менен “Бишкекжылуулукэнерго” МИнын 29 кызматкери А 1 жана С 1 деңгээли боюнча тастыктамаларды алышты.