Бишкек шаарынын мэриясынын жыйын залында кезектеги жыйын өттү

Подробности

Опубликовано 25.06.2015 15:07

Бишкек шаарынын мэриясынын жыйын залында бир катар маселелер каралган кезектеги жыйын өттү. 

Эӊ курч көйгөйлөрдөн болуп башаламан соода маселеси, айрыкча – Биринчи май районунун аймагындагы велосипеддерди ижарага берүү козголду.

Мындай ишмердик жүргүзүүгө велобизнестин ээлеринде эч кандай тастыктоочу иш кагаздары жок болуп чыкты.

Бишкек шаарынын биринчи вице-мэри Замирбек Малабеков тиешелүү түзүмдөргө  аталган жагдайды карап чыгып, ылайыктуу чараларды көрүүнү буйруду.  

Ошондой эле,  жолдорду куруу  боюнча суроолор талкууланды. Капиталдык курулуш башкармалыгынын маалыматына ылайык, Кытай грантынын алкагында оӊдолуп жаткан 3 көчө үстүбүздөгү жылдын 1-сентябрына аяктайт.

ККБнын өкүлдөрү аталган мөөнөткө жолдун унаа жүргөн бөлүгү оӊдолуп, автоунаа кыймылы ачылат деп белгилешти.