Бишкек шаарынын мэриясы жана Сауд Арабия падышачылыгынын Кыргызстандагы элчиси “Ардагер” пансионунун эс алуучуларын рамазан айы менен куттуктады

Подробности

Опубликовано 17.06.2015 16:55

Бишкек шаарынын мэриясынын Социалдык өнүктүрүү башкармалыгы жана Сауд Арабия падышачылыгынын Кыргызстандагы Атайын жана Ыйгарым укуктуу элчиси Абдурахман бин Саид Аль-Жума “Ардагер” пансионунун эс алуучуларын рамазан айы менен куттуктап, жардам катары  сыналгы жана азык-түлүктөрдү тапшырды.

“Сиздерди кирип келген рамазан айы менен чын жүрөктөн  куттуктайм. Сиздерге атайын сыналгы, курма жана азык-түлүктөрдү алып келдик. Биз Бишкек шаарынын мэриясы менен тыгыз байланышта иштешип жатабыз. Мэрияга дагы терең ыраазычылык билдирем”,-деди  Сауд Арабия падышачылыгынын Кыргызстандагы элчиси Абдурахман Аль-Жума.

Рамазан айынын алдында Ленин районунун карылар үйүнө, Свердлов районунун Багуусуз калган жетим балдар үчүн балдар үйүнө жана “Ардагер” пансионуна жардамдар көрсөтүлдү.

Иш-чарага Бишкек шаарынын мэриясынын Социалдык өнүктүрүү башкармалыгынын башчысы Замирбек Абылаев, “Ардагер” пансионунун директору Марипа Абдиева  жана Сауд Арабия падышачылыгынын Кыргызстандагы Атайын жана ыйгарым укуктуу  элчиси Абдурахман Аль-Жума катышты.