Жай жашыл болуусу үчүн!

Подробности

Опубликовано 13.05.2015 14:20

Бишкек шаарынын мэриясы пресс-борборунда “Жай жашыл болуусу үчүн” пресс-конференциясы  өткөрүлдү.

Журналисттердин суроолоруна “Жашылдандыруу” муниципалдык ишканасынын башкы агроному Сергей Кравер жана “Фермер” Ассоциациясынын төрагасы Алексей Ведене жооп берди.

Шаарды жашылдандыруу боюнча жыл башынан бери өткөрүлгөн иш-чаралардын жыйынтыгы айтылып, журналисттер тарабынан жаңы мезгилге даярдыктар тууралуу суроолор берилди.

“Бишкектин көчөлөрүнө жыл башынан бери 874 ийне жалбырактуу, 3561 жалбырактуу, 187 бадал жана 8754 жандуу тосмо көчөттөрү отургузулду”,-деди Сергей Кравер.

Анын айтымында, отургузулган көчөттөрдү сугаруу аба-ырайына жараша болот. Болжол менен 2015-жылдын 1-июнунан тарта сугаруу иштери башталат.

“Фермер” Ассоциациясынын кызматкерлери “Жашылдандыруу” МИсы колдонгон “Надежда” жер семирткичи тууралуу маалымат берип өттү.

Пресс-конференциянын аягында журналисттер үчүн шаардын жашыл көчөттөрү боюнча пресс-тур өткөрүлдү.