Баш калаада 10-июндан 14-июнга чейин 20 кичи автобус жумуштан четтетилди

Подробности: Опубликовано 18.06.2013 09:53

Бишкек шаарынын мэриясынын Шаардык транспорт башкармалыгынын кызматкерлери тарабынан жүргүнчүлөрдү тейлөөчү кичи автобустардын техникалык, санитардык абалы жана айдоочулардын жүргүнчүлөрдү тейлөө маданияты боюнча текшерүүлөр үзгүлтүксүз жүргүзүлүп турат.

Үстүбүздөгү жылдын 10-июнунан 14-июнуна чейин техникалык талаптарга жооп бербеген 20 кичи автобус иштен четтетилди.

Алар: «Ника-Плюс» ЖЧК (№№225,222,216); «Чыгыш Экспресси» ЖЧК (№202); «Куюн» ЖЧК (№№ 215,251,264); «Бомонд-Групп» ЖЧК (№148); «Элек» ЖЧК (№137); «Трансгрупп-Коммуникейшн» ЖЧК (№№130,135) ишканаларына тиешелүү кичи автобустар.

Иштен четтетилген кичи автобустардын ичи жана тышына оңдоо иштери талап кылынат.