Шаардын Свердлов районунун жаңы конуштарынын тургундары жана соода комплексинин кызматкерлери үчүн акысыз медициналык кароолор уюштурулат

Подробности

Опубликовано 20.05.2014 17:47

Бишкек шаарынын мэриясы жана Свердлов райондук администрациясы райондук медициналык мекемелер менен биргеликте райондун жаңы конуштарынын тургундары жана соода комплексинин кызматкерлери үчүн акысыз медициналык кароолорду уюштурууда.

Медициналык кароолор 2014-жылдын 21-майында саат 10.30да “Ак-Бата” жаңы конушунда өткөрүлөт. Медициналык кароолорду төмөнкү адистер өткөрүшөт:

терапевт, педиатр, кардиолог,  акушер- гинеколог, мамолог,  невропатолог, хирург, лор, уролог, эндокринолог, стоматолог, УЗИ, лаборант жана көчмө флюроаппарат.

Медициналык иш-чаралар жаңы конуштардын тургундарынын, соодо кызматкерлеринин арасында социалдык маанидеги ооруларды аныктоо жана алардын алдын алуу максатында өткөрүлүүдө. Иш-чаранын алкагында 500дөн ашуун адамды медициналык кароодон өткөрүү белгиленүүдө.

Бишкек шаарынын мэриясы Свердлов районунун жаңы конуштарынын тургундарын жана соода комплекстеринин кызматкерлерин медициналык кароодон өтүүгө чакырат.