Шаардын борбордук Ала-Тоо аянтында “Нооруз-2014” майрамына арналган салтанаттуу иш-чаралар өтүүдө
- Подробности
- Опубликовано 21.03.2014 15:14
Салтанаттуу иш-чаралар Нооруздун майрамдык салттарын, тарыхын чагылдырган театрлаштырылган оюн-зооктор менен башталды.
Чыгармачыл жамааттар көп улуттуу Кыргызстандын бийлерин тартуулашты. Салтанаттуу иш-чара элди биримдикке, достукка, өз ара ынтымакка чакырган көркөм чыгармалар менен коштолду.
Салтанаттын катышуучуларын Бишкек шаарынын мэри Кубанычбек Кулматов куттуктап:
“ Урматтуу мекендештер, урматтуу шаардыктар! Нооруз майрамы – жаңы күн, жаңы жыл майрамы. Баардыгыңыздарды майрамыңыздар менен куттуктайм! Эл аралык уюмдар Нооруз майрамына эл аралык мартаба ыйгарган. Майрамыбыз элибизге ынтымак, бир туугандык жана ийгиликтерди алып келсин”-деди.
Андан соң,Кыргыз Республикасынын Президентинин администрациясынын башчысы Данияр Нарынбаев жана Кыргыз Республикасынын Өкмөтүнүн аппаратынын жетекчисинин орун басары Нурканбек Момуналиев кыргызстандыктарды майрамы менен куттукташты.
Майрамдык иш-чаралар Бишкек шаарынын мэриясынын Эл аспаптар оркестринин, республиканын искусство чеберлеринин, кыргыз эстрада жылдыздарынын жана чыгармачыл жамааттардын коштоосундагы чоң концерт менен улантылды.
Бишкек шаарынын мэри
КРУБ валюталар курсу
29.03.2024 | ||
USD | 69.74 | |
EUR | 79.24 | |
RUB | 1.05 | |
KZT | 0.18 | |
Баардык курстар |