“Түндүкэлектр” Ачык акционердик коому баш калаада электр энергиясын эсептөөчү адистештирилген эсептегичтерди орнотууну улантууда

Подробности

Опубликовано 04.03.2014 09:18

“Түндүкэлектр” Ачык акционердик коому баш калаада электр энергиясын эсептөөчү адистештирилген эсептегичтерди орнотууну улантууда.

2013-жылы шаар боюнча адистештирилген 10 278 эсептегич орнотулган.

Учурда адистештирилген эсептегичтерди орнотуу иштери “Ынтымак”, “Арча-Бешик”, “Көк-Жар”, “Көлмө” конуштарында жүргүзүлүүдө.

Бөлүштүрүү компаниясынын билдирүүсү боюнча, “Кызыл-Аскер” конушунда 382 абоненттин электр энергиясын пайдалануу боюнча изилдөөлөрдүн жыйынтыгында, адистештирилген эсептегичтер орнотулгандан кийин электр энергиясын пайдалануу көлөмү 74%га өскөн.

2013-жылы аталган конушта адистештирилген эсептегичтер орнотулгандан кийин 221,5 кВт/саат электр энергиясы сарпталса, 2014-жылдын январь айында 853,4 кВт/саат энергия пайдаланылган, же электр энергиясын сарптоолор 20%дан 3-6%га чейин кыскарган деп билдиришет “Түндүкэлектр” Ачык акционердик коомунан.