Салтанаттын катышуучуларын КР Өкмөтүнүн алдындагы дене-тарбия жана спорт боюнча мамлекеттик агенттиктин директору М.Саралинов, КР ЖК вице-спикери Ч.Султанбекова куттукташты.

 

XIII Ыссык-Көл эл аралык спортоюндары “Азия – кызматташтыктын жана тынчтыктын аймагы” деген ураандын алдында өтүүдө.

 

Спорттук мелдештерге Казахстан, Россия жана Кыргызстандан 2 миңден ашуун спортчулар катышууда.

 

Ал эми Бишкек шаарынын намысын мелдештерде 400 спортчу коргойт.

 

Спорттук мелдештердин программасына: волейбол, жеңил атлетика, кичи-футбол, стол үстүндөгү теннис, сууда сүзүү, пауэрлифтинг, пляж күрөшү, аркан тартыш, армрестлинг, стритбол, пляж футболу ж.б. спорттун түрлөрү кирди.

 

Мелдештер 12-сентябрда аяктайт.