“Ала-Тоо” жаңы конушу 1989-жылы негизделген. Жаңы конушта 13 миң адам жашайт. Мектеп, бала бакча, ФАП иштейт. 15 км аралыкка суу түтүктөрү орнотулган, 72 үйгө газ киргизилген.

 

№82-орто мектеп 1996-жылы ачылган. 350 окуучулук орунга эсептелген мектепте окутуу кыргыз жана орус тилдеринде жүргүзүлөт. Мектептин жалпы аянты 3006 чарчы метрди түзөт.

 

2012-жылы окуучулардын тамактануу маселесин чечүү жана мектепти кеңейтүү максатында кошумча имараттар курулган. Кошумча имараттар 4 класстык кабинеттен турат жана 120 окуучулук орунга эсептелген. Кошумча имараттын аянты 363 чарчы метр.

 

Бүгүнкү күндө 450 окуучулук орунга эсептелген мектепте 1238 окуучу окушууда.

 

Учурда “Ала-Тоо” жаңы конушу жаңы мектепке муктаж. 1993-жылы жаңы мектептин пайдубалы түптөлүп, каржылоо маселесине байланыштуу курулуш иштери токтотулган.