Бишкек шаарынын №33-орто мектебинде өрт чыкты. Алгачкы маалыматтарга караганда мектептин спорт залы жана спорт залдын чатыры өрттөндү.

 

Бул жөнүндө билдирүү үстүбүздөгү жылдын 11-августтунда саат 5-50 дө келип түштү. Учурда өрт өчүрүлүп, тергөө тобу өрттүн чыгуу себептерин тактоодо.

 

Эске сала кетсек, 2011-жылы №33-орто мектеп толугу менен капиталдык оңдоодон өткөрүлүп, мектептин имараты кеңейтилген. Ал эми спорт зал өзүнчө курулган. Мектептин окуу класстары өрттөн жапа чеккен жок.